Fyrste lærlingen i Hordaland

Jens Martin Svennes er den aller fyrste og einaste lærlingen i byggdriftarfaget i Hordaland fylke. På landsbasis er det berre registrert 2 byggdriftarlærlingar, opplyser Fagopplæringskontoret (pr. 1.nov. 2014). Faget er nytt, og blei godkjend i august i år. Tidlegare har det ikkje vore noko formelt krav til kompetanse i faget. Ein byggdriftar har normalt ansvaret for drift og vedlikehald av bygningar og tilhøyrande uteområder. I oktober gjekk Jens Martin over frå å vere vedlikehaldsarbeidar til å bli lærling hjå Myrkdalen Hotel. «Ingen dagar er like, og det er stor variasjon i arbeidsoppgåvene og arbeidsdagen min», svarar Jens Martin på spørsmål om kva han likar best i denne jobben. På biletet ser du Jens Martin som oppdaterer dørlåsane ved hjelp av eit digitalt avlesingsapparat.

Kvifor valde du dette yrket?

«Det var nok litt tilfeldig», fortel Jens Martin. «Eg starta på Myrkdalen Hotel på kjøkkenet -i oppvasken. Seinare fekk eg tilbod om å bli vedlikehaldsarbeidar då stillinga blei ledig. Eg har to års relevant utdanning frå vidaregåande skule. Dette med fagbrev kom opp som tema då vi fekk greie på det nye byggdriftarfaget. Etter å ha kontakta Opplæringskontoret ordna det seg ved at eg fekk plass på teorikurset som Vaksenopplæringa arrangerer, og deretter blei bedrifta godkjend lærebedrift, og sjefen stilte seg positiv til at eg fekk læreplass i staden for å vere vedlikehaldsarbeidar».

Kva type arbeidsoppgåver har du?

«Det er ulikt frå dag til dag. Eg ryddar og held orden både ute og inne, driv med generelt vedlikehald og utfører mindre reparasjonar. Hotellet har eit nettbasert internkontroll-system for vedlikehald og drift, og i dette ligg mange forskjellige sjekkpunkt som vi utfører dagleg, eller på vekes-, månads- og halvårsbasis. Nokre oppgåver vert igjen kontrollert av eksterne tilsyn, slik som heiskontroll, brannsikkerheit med fleire. HMS er ein viktig del av jobben min.»

På biletet sjekkar Jens Martin og fagansvarleg Nils Eirik Gregersen trykket på varmebatteriet på eit av hotellet sine mange ventilasjonsanlegg.

Kva utdanning/kvalifikasjonar må ein ha som byggdriftarlærling?

«Utgangspunktet er at ein har Vg1 bygg og anleggsteknikk. Sjølv har eg også Vg2 byggteknikk. Elles er det viktig å vere praktisk og like å kommunisere med folk, ein snakkar gjerne med mange i løpet av ein arbeidsdag», fortel Jens Martin. Fagopplæringskontoret informerer om at hovudløpet for ein lærling i byggdriftarfaget er Vg1 bygg og anleggsteknikk, deretter 3 års læretid i bedrift.

Kva er det beste med yrket ditt?

Svaret på spørsmålet kjem raskt: « Det at ingen dagar er like, og at det er det er so stor variasjon i dei ulike arbeidsoppgåvene og arbeidsdagen». Han tykkjer at dette gjer jobben spennande og utfordrande.

Kva mogelegheiter finnast innan yrket ditt etter fullført læretid?

«Eg er heldig som hadde jobb frå før av på hotellet, og får difor tilbod om jobb her etter læretida også. Då vonar eg å få større ansvar og fleire sjølvstendige arbeidsoppgåver etterkvart som eg opparbeider meg erfaring».

Kva tema har de på teorikurset i byggdriftar-faget?

«Denne hausten lærer vi hovudsakleg om HMS, internkontroll-system, databruk og elektro, samt at vi får ei praktisk øvingsoppgåve», seier lærlingen.

Kontroll av motorvernbrytarar til sirkulasjonspumpe og komponentar til SD-anlegget er ein del av dei faste rutinene Jens Martin får opplæring i.

Jens Martin er den einaste lærlingen på kurset som Vaksenopplæringa arrangerer. Dei 21 andre deltakarane er deltakarar med mange års praksis frå vaktmeisteryrket, og som har planar om å ta fagbrev som praksiskandidat når eksamen er bestått neste år. Fagansvarleg Nils Eirik Gregersen deltek også på kurset, då han tykte det var svært interessant å få auka kompetanse ved å ta det nye fagbrevet. Frå før av har han fagbrev som tømrar.

Kva er det beste med lærebedrift di?

«Det at eg har so gode kollegaer og at det er eit svært godt arbeidsmiljø her. Vi er tilsette frå fleire land som jobbar her, men alle snakkar med alle og ikkje nokon vert utelatne. Elles har eg ein god tone med min fagansvarlege, og det er betyr mykje. I tillegg vert eg godt ivareteken av bedrifta ved at eg får delta på relevante og aktuelle kurs som eg har god nytte av i jobben min», avluttar ein nøgd lærling.

 

Lærling i produksjonsteknikkfaget

Hjå Felleskjøpet Agri - avdeling Vaksdal, er tre av dei tilsette lærlingar i produksjonsteknikkfaget. Dei tre er Andreas Hesjedal, Stian Olsnes og Stian Nyheim Hammer Verpelstad. Dei får opplæring i å drifte, utvikle og forbetra produksjonsprosessane i framstillinga av kjæledyrfôr og kraftfôr: Les meir..

Ledige læreplassar 2020

Fleire fagfolk

I januar arrangerte Opplæringskontoret for Indre Hordaland den årlege utdelinga av fagbrev.

 Ledige læreplassar

Våre medlemsbedrifter har våren 2019 ei rekkje ledige læreplassar. Felles søknadsfrist for alle stillingane er 31.mars. For meir informasjon om dei ulike læreplassane, Les meir..

Ledige læreplassar

Mitt yrke - idrettsanleggsfaget

Framleis ledige læreplassar

Ledige læreplassar

Auka kompetanse i distriktet

Salsfaget - mitt lærefag

Røyrleggjarlærling

Fyrste lærlingen i Hordaland

Byggdriftarfaget - nytt fagbrev

Helsefag i Spania

Mitt yrke

Stolte fagfolk

Lærlingeintervju: anleggsmaskinførarfaget

Lærlingeintervju: betongfaget

33 nye fagarbeidarar

Lærlingeintervju: reiselivsfaget

Arsalan Portazedi (21) er den einaste lærlingen i reiselivsfaget i Hordaland fylke, tilsett hjå vår medlemsbedrift; Destinasjon Voss As. Då han gjekk reiselivslina ved Voss vidaregåande skule i 2011, bestemte han seg for å prøve å ta fagbrev i reiselivsfaget, sjølv om det finnast svært få læreplassar i dette faget. - Det beste med denne jobben er at ein alltid opplever noko nytt og har eit variert arbeid, sier han. Les meir..

Fleire fagarbeidarar i idrettsanleggsfaget

Heldige lærlingar til Spania

Instruktørkurs på Voss

Nye fagfolk